PRULoansafe သည် ချေးငွေရယူထားသူများအတွက် မမျှော်လင့်သော အရေးပေါ်အခြေအနေများ ကြုံလာပါက ကျန်ရှိနေသည့် ချေးငွေကြွေးမြီများ (ဥပမာ- အိမ်ဝယ်ယူရန် ချေးငွေ သို့မဟုတ် ကိုယ်ပိုင်ချေးငွေများ) ကို မိသားစုပေါ်တွင် ဝန်ထုပ်ဝန်ပိုး မဖြစ်စေရန် အာမခံပေးသည့် Prudential Myanmar ၏ အထူးချေးငွေအကာအကွယ် အာမခံအစီအစဉ်တစ်ခု ဖြစ်သည်။
အချက်အလက် အသေးစိတ် ပရီမီယံ ပေးသွင်းသည့် ပုံစံ တစ်လုံးတည်း ပေးသွင်းခြင်း (Single Premium) - ချေးငွေသက်တမ်းတစ်လျှောက်အတွက် တစ်ကြိမ်တည်းဖြင့် အပြီးပေးသွင်းရခြင်းဖြစ်ပြီး လစဉ်အရစ်ကျ ပေးသွင်းရမည့် ကာလများကို ပူပန်စရာမလိုပါ။ အာမခံသက်တမ်း ချေးငွေသက်တမ်းနှင့် အတူတူဖြစ်သော ၁ နှစ် မှ ၂၅ နှစ် အထိ ထားရှိနိုင်သည့် အသက် အသက် ၁၈ နှစ် မှ ၆၈ နှစ် အထိ အများဆုံး ကာကွယ်သည့် အသက် အသက် ၆၉ နှစ် အထိ
၁။ ချေးငွေအကာအကွယ် (သေဆုံးခြင်း သို့မဟုတ် အပြီးအပိုင် ကိုယ်လက်အင်္ဂါ ထိခိုက်ပျက်စီးခြင်း)
အဓိက ကာကွယ်မှု: အာမခံထားရှိသူ ကွယ်လွန်ခြင်း သို့မဟုတ် အပြီးအပိုင် ကိုယ်လက်အင်္ဂါ ထိခိုက်ပျက်စီးခြင်း (TPD) ဖြစ်ပေါ်လာပါက ကျန်ရှိနေသေးသော ချေးငွေလက်ကျန်များကို အာမခံမှ အပြည့်အဝ ဆပ်ပေးခြင်းဖြင့် ချေးငွေပူပန်မှုကို ကာကွယ်ပေးသည်။
ကာကွယ်သည့် သက်တမ်း: သင့်ချေးငွေသက်တမ်းနှင့် တိုက်ရိုက်ကိုက်ညီစေရန် အနည်းဆုံး ၁ နှစ်မှ အများဆုံး ၂၅ နှစ် အထိ ရယူနိုင်သည်။
ကိုက်ညီမှုရှိသူများ: လက်ရှိ ချေးငွေရှိပြီးသူများအနေဖြင့် အသက် ၁၈ နှစ်မှ ၆၈ နှစ် အတွင်း ထားရှိနိုင်ပြီး အများဆုံး အာမခံသက်တမ်းမှာ အသက် ၆၉ နှစ် အထိ ဖြစ်သည်။
၂။ အာမခံအကာအကွယ် ရွေးချယ်မှုများ
အနိမ့်ဆုံး အာမခံပမာဏ: အနည်းဆုံး ကျပ် ၂,၀၀၀,၀၀၀ မှ စတင်သည်။
တဖြည်းဖြည်း လျော့နည်းသွားသော အာမခံပမာဏ (Decreasing Sum Assured): ချေးငွေပြန်ဆပ်သည့် ပမာဏအပေါ်မူတည်၍ ကျန်ရှိသော ချေးငွေလက်ကျန်နှင့်အညီ လိုက်လံလျော့နည်းသွားသော ပုံစံဖြစ်သည်။
ပုံသေ အာမခံပမာဏ (Level Sum Assured): ဘဏ္ဍာရေး စီစဉ်ချက်အပေါ်မူတည်၍ ပုံသေပမာဏဖြင့် ကာကွယ်ပေးသည်။
မှတ်ချက်: အာမခံမှ ထုတ်ပေးသည့် ငွေပမာဏသည် ချေးငွေလက်ကျန်ထက် ပိုများနေပါက ပိုငွေကို အခြားသတ်မှတ်ထားသော အကျိုးခံစားခွင့်ရှိသူထံသို့ ထုတ်ပေးမည်ဖြစ်ပြီး၊ နည်းနေပါက ကျန်ရှိသည့်ငွေကို မိသားစုမှ ဆက်လက်တာဝန်ယူ ဆပ်ရမည် ဖြစ်သည်။
၃။ မတော်တဆမှုအတွက် ထပ်ဆောင်း အကူအညီ
မတော်တဆ ထိခိုက်သေဆုံးခြင်း/အပြီးအပိုင် ကိုယ်လက်အင်္ဂါ ထိခိုက်ပျက်စီးခြင်း အကျိုးခံစားခွင့်: မတော်တဆမှုတစ်ခုကြောင့် သေဆုံးခြင်း သို့မဟုတ် အပြီးအပိုင် ကိုယ်လက်အင်္ဂါ ထိခိုက်ပျက်စီးခြင်း ဖြစ်လာပါက မူလချေးငွေ ကျေသွားသည့်အပြင် ထပ်ဆောင်းငွေကြေး ပမာဏ ကျပ် ၆,၀၀၀,၀၀၀ ကို အာမခံထားရှိသူ သို့မဟုတ် အကျိုးခံစားခွင့်ရှိသူထံသို့ ထပ်မံထုတ်ပေးသည်။
အကျိုးခံစားခွင့်အတွက် အကျုံးမဝင်သည့်အချက်များ
PRULoansafe ရဲ့ ရာနှုန်းပြည့် နစ်နာကြေး ရရှိမှု အပေါ် သက်ရောက်နိုင်တဲ့ အခြေအနေများမှာ အောက်ပါအတိုင်းဖြစ်ပါတယ်။ ဥပမာအားဖြင့် -
သေဆုံးခြင်း/လုံးဝနှင့် ထာဝစဉ် မသန်စွမ်းဖြစ်ခြင်းအတွက် အကျိုးခံစားခွင့်မရရှိနိုင်သည့် ခြွင်းချက်များ - လက်ရှိဥပဒေများနဲ့ စည်းမျဉ်းဥပဒေများအရ သတ်မှတ်ထားတဲ့ မူးယစ်ဆေးဝါးများ (သို့မဟုတ်) လှုံ့ဆော်ပေးသော ဆေးဝါးများ အလွန်အကျွံ အသုံးပြုခြင်း၊ အလွန်အကျွံ အရက်သေစာ သောက်သုံးခြင်း (သို့မဟုတ်) အရက်သေစာသောက်စားရင်း ယာဉ်များကို မောင်းနှင်ခြင်း ၊ (သို့မဟုတ်) ခုခံအားကျဆင်းမှုရောဂါ (AIDS) ကြောင့်ဖြစ်ပေါ်လာသော ရောဂါ/များ၊ (HIV) ရောဂါပိုးကြောင့် ဖြစ်ပေါ်လာသော ခုခံအားကျဆင်းမှု ရောဂါလက္ခဏာစု (သို့မဟုတ်) ရောဂါပိုးကူးစက်ဝင်ရောက်မှု စသည်တို့ပါဝင်ပါတယ်။
မတော်တဆမှုကြောင့်ဖြစ်သော သေဆုံးခြင်း/ လုံးဝနှင့် တာဝစဉ် မသန်စွမ်းဖြစ်ခြင်းအတွက် အကျိုးခံစားခွင့် မရရှိနိုင်သည့် ခြွင်းချက်များ - အန္တရာယ်ရှိသော အားကစားလှုပ်ရှားမှုများတွင် အပါအဝင် ကန့်သတ်ထားခြင်းမရှိဘဲ ရေအောက်တွင် ပြုလုပ်ရသော ဆောင်ရွက်မှု တစ်ခုခု၌ ပါဝင်ခြင်း၊ တောင်တက်ခြင်း၊ လေထီးခုန်ခြင်း၊ အမြန်နှုန်းမြင့် ကား ပြိုင်ပွဲများ၊ အားကစားလှုပ်ရှားမှုများ တွင်လုပ်ဆောင်နေသော ကျွန်းကျင်ပညာရှင် (သို့မဟုတ်) ပေါက်ကွဲမှုမရှိသေးသော စစ်လက်နက် ပစ္စည်းများကို ရှင်းလင်းခြင်း ဆောင်ရွက်ရသော ကျွမ်းကျင်ပညာရှင် (သို့မဟုတ်) ကျူးကျော်စစ်ပြုမှုများ၊ ပြည်ပနိုင်ငံများ၏ ဆောင်ရွက်ချက်များ၊ ရန်သူ၏ လှုပ်ရှားဆောင်ရွက်မှုများ (စစ်ကြေညာထားသည်ဖြစ်စေ (သို့မဟုတ်) စစ်ကြေညာထားခြင်းမရှိသည်ဖြစ်စေ)၊ ပြည်တွင်းစစ်များ၊ ပုန်ကန်ဆူပူအုံကြွမှုများ၊ တော်လှန်တိုက်ခိုက်မှုများ၊ အဓိကရုဏ်းများ၊ စစ်ဖက်အာဏာပိုင်များ၏ ကြားဝင်ဟန့်တား စွက်ဖက်မှုများ (သို့မဟုတ်) မတရား ကျူးကျော်သိမ်းပိုက်မှုများ အပါအဝင် စစ်ပွဲများ (သို့မဟုတ်) အပျက်သဘောဆောင်သည့် အပြုအမူဆောင်ရွက်ချက်များ (သို့မဟုတ်) ပိုးမွှားကိုက်ခြင်း (ခြင်ကိုက်ခြင်းအပါအဝင်) နှင့် ပိုးကူးစက်ခြင်း တစ်ခုခုကြောင့် ဖြစ်ပေါ်လာသော မည်သည့် နာမကျန်းမှုများမဆို ပါဝင်ပါတယ်။
အသက်အာမခံဝန်ဆောင်မှုအတွက် အကျုံးမဝင်တဲ့ အသေးစိတ်အချက်အလက်အပြည့်အစုံကို သင့်ရဲ့ သက်ဆိုင်ရာ အသက်အာမခံဝန်ဆောင်မှုဆိုင်ရာ အရောင်းကိုယ်စားလှယ်ထံ ဆက်သွယ် စုံစမ်းမေးမြန်းနိုင်ပါတယ်။
အာမခံဝယ်ယူနိုင်ရန် သတ်မှတ်ချက် ပြည့်မီခြင်းရှိမရှိ စစ်ဆေးခြင်း
အာမခံအကာအကွယ် မဝယ်ယူခင် အဖွဲ့ဝင်များအနေနဲ့ အာမခံ ဝယ်ယူနိုင်ရန် သတ်မှတ်ချက် ပြည့်မီခြင်းရှိမရှိ စစ်ဆေးတဲ့ လျှောက်လွှာပုံစံ ဖြည့်ရန်အတွက် လိုအပ်သော ကျန်းမာရေးနှင့် ကိုယ်လက်အင်္ဂါကောင်းမွန်ကြောင်း အထောက်အထားနှင့် /သို့မဟုတ် အလုံးစုံ ကျန်မာရေးစစ်ဆေးမှုခံယူရန် လိုအပ်ပါတယ်။ အဆိုပါ လုပ်ငန်းစဉ်တွေက အာမခံထားရှိရမယ့် ငွေပမာဏ၊ အသက်အရွယ်၊ အလုပ်အကိုင် သို့မဟုတ် အဖွဲ့ဝင်အနေဖြင့် ဆေးခွင့်တင်ထားခြင်းရှိ/ မရှိအပေါ်မှာ မူတည်ပါတယ်။
ငြင်းဆိုပိုင်ခွင့်မရှိခြင်း
ပရီမီယံကြေးများ ပေးသွင်းမှုမရှိခြင်း (သိုမဟုတ်) မြန်မာနိုင်ငံရှိ ဥပဒေ/ တရားစီရင်ရေး အရ အသိအမှတ်ပြုထားသော အချက်များကြောင့်မှလွဲ၍ ကုမ္ပဏီသည် အာမခံထားသူ သက်ရှိထင်ရှားရှိနေစဉ်ကာလမှာ ဤပေါ်လစီကို ပေးအပ်တဲ့ရက်စွဲမှစပြီး သို့မဟုတ် ပေါ်လစီအား ပြန်လည် တည်မြဲစေတဲ့ ရက်စွဲမှစပြီး (၂) နှစ်တာ ကာလအတွင်း အတည်ဖြစ်တဲ့ ပေါ်လစီနဲ့ စပ်လျဉ်းပြီး တောင်းဆိုမှုကို ကုမ္ပဏီက ငြင်းပယ်ခွင့်မရှိပါဘူး။
(၂၁) ရက်တာ စောင့်ကြည့်ကာလ
သင့်အနေနဲ့ အာမခံပေါ်လစီကို လက်ခံရရှိတဲ့အချိန်ကနေ စတင်ပြီး (၂၁) ရက် အတွင်း ပေါ်လစီပါအချက်အလက် နှင့် အကျိုးခံစားခွင့်၊ ကန့်သတ်ချက်များအကြောင်း အသေးစိတ် ဖတ်ရှုလေ့လာနိုင်ပါတယ်။ အဆိုပါကာလအတွင်းမှာ ပေါ်လစီပါ အချက်အလက်များက သင့်လိုအပ်ချက်များနဲ့ ကိုက်ညီမှုမရှိပါက ပေါ်လစီကို ပယ်ဖျက်နိုင်မှာဖြစ်ပါတယ်။ အဆိုပါကာလအတွင်း စောင့်ကြည့်ကာလလျောက်လွှာပုံစံတွင် အချက်အလက်ဖြည့်သွင်းပြီး တင်သွင်းခဲ့ပါက ပရီမီယံကြေးစုစုပေါင်းထဲမှ ကျန်မာရေးဆေးစစ်ခြင်းအတွက် ကုန်ကျစရိတ် တစ်စုံတစ်ရာရှိပါက ထိုကုန်ကျစရိတ်ကို နုတ်ယူပြီး ပြန်လည်ပေးချေသွားမှာဖြစ်ပါတယ်။
